A colección didáctica e mailos libros de texto aquí presentados diríxese ó mundo do ensino, achegando anovadoras propostas para ese ámbito, tanto respecto do traballo dos mestres e educadores coma dos alumnos. Sempre co obxectivo de romper coa rutina e ofrecer uns textos con aplicación directa na aula pero concibidos desde un punto de vista nada tradicional e seguindo as directrices sinaladas na Reforma Educativa, Sotelo Blanco Edicións ten como finalidade fornecer un material para o ensino versátil, con capacidade de adaptación a diferentes circunstancias e graos de desenvolvemento dos alumnos, cunha aplicación doada e unha realización técnica e unha programación didáctica que estimulen e faciliten a aprendizaxe.

As características principais do material didáctico que presentamos nesta sección son o coidado posto na súa elaboración e o ser froito dun traballo previo na aula, pois que os seus autores aproveitaron a experiencia docente para seleccionar e facer posibles as distintas actividades e maila consecución dos obxectivos propostos, todo isto sen abandonar esa pretensión de sinxeleza e claridade que vai unida inevitablemente á utilidade do labor docente e que é unha parte importante do apoio que se lle pode dar ós alumnos.