No noso catálogo a narrativa é un dos xéneros centrais, nel destaca a colección Medusa Narrativa, que, amais de contar con algúns dos narradores galegos máis interesantes e anovadores, a partir de 1992, tamén vai incluír traduccións para o galego de obras publicadas orixinariamente noutras linguas. Autores hoxe fundamentais para entede-la evolución da nosa narrativa a partir dos noventa, coma Xurxo Borrazás, Aníbal C. Malvar ou Xavier Queipo e abríndose a colección a autores estranxeiros de prestixio coma William Golding, Karen Blixen, J. D. Salinger, Richard Ford ou Paul Auster.

O ensaio é outro dos eidos necesarios para a consolidación da nosa cultura, xénero ó que Sotelo Blanco dedica a colección Estudios e Investigacións, na que se publican importantes traballos relacionados con diversos aspectos do pensamento, a historia ou as ciencias sociais, entre eles a Historia da lingua galega, de Ramón Mariño Paz, unha obra de referencia para a cultura galega.